Qazirgi ýaqytta qurylys alańynda 17 merdiger kompanııadan 240-qa jýyq adam jumys isteýde.
Barlyq 4 keshendi iske qosý boıynsha jumys júrgizilýde:
«Daıyn ónim qoımasy»-birinshi keshen boıynsha - 85%;
Ekinshi «Ishki temir jol» kesheni boıynsha - 52%;
Úshinshi «Negizgi sehtar» kesheni boıynsha - 45%;
Tórtinshi «Ishki ınjenerlik jeliler» kesheni boıynsha - 7% jumys aıaqtalǵan.
Bıýdjettik qarajat esebinen shyny zaýytyna qajetti barlyq ınfraqurylym jetkiziledi. Búgingi tańda gaz qubyrynyń eki tarmaǵy, sýmen jabdyqtaý, káriz júıesi, elektr jelileri, joldar men baılanys jelileri tartyldy.
Aǵymdaǵy jyldyń qarasha aıyna deıin temir joldyń qurylysyn aıaqtaý josparlanyp otyr.
Buǵan deıin aıtylǵandaı, zaýyt qurylysynyń aıaqtalýy aǵymdaǵy jyldyń aıaǵyna josparlanǵan, osyǵan baılanysty oblys ákimdigi qurylysty ýaqytynda aıaqtaý úshin tıisti jumystardy atqarýda.
Aıta ketý kerek, «Chaına Trıýmf» kompanııasy kún batareıalary, smartfondar men planshetter ( qýattylyǵy kúnine 250 tonna ýltra juqa shyny óndiretin zaýyt ) úshin paıdalanylatyn óte juqa ári ýltra móldir shyny óndirý úshin joǵary tehnologııalyq zaýyt qurylysyna ınvestor retinde qosyldy.
Jańa jobanyń quny shamamen 150 mıllıon AQSh dollaryn quraıdy.
О́nimderdiń negizgi artyqshylyqtary qalyńdyǵy 0,15 mm tegis jáne optıkalyq burmalanýy tómen shyny bolyp tabylady.
Zaýyt qurylysynyń ekinshi kezeńinde 500 jańa jumys ornyn, al paıdalanýǵa bergennen keıin shamamen 150-den astam turaqty jumys ornyn qurý josparlanyp otyr.
